Ўзбекистон Республикаси бюджетига солиқлар ва йиғимлар йиғилишида ўз ҳиссасини қўшиш истагини билдирган, давлат солиқ органларига юкланган вазифаларнинг бажарилишини таъминлашга қодир бўлган мамлакатимиз фуқаролари, касб, ишчанлик, шахсий ва ахлоқий сифатларига, маълумоти даражасига ҳамда саломатлигига кўра, Давлат солиқ хизмати органларига ишга қабул қилинади.

Давлат солиқ хизмати органларининг инспекторлик лавозимларига қабул қилинадиган шахслар олий маълумотли иқтисодиёт, молия ёки юридик ихтисослигига эга бўлишлари талаб этилади.

Синов муддати билан ишга қабул қилинган ходимни ижтимоий муҳофазаси қонунчиликда белгиланган тартибда амалга оширилади, унинг манфаатлари касаба уюшмаси томонидан ҳимоя қилинади. Ишга қабул қилинган ходимга юклатилган вазифаларни бажариши учун барча қулайликлар яратилади, яъни иш жойи, ички ва ташқи алоқа учун телефонлар, компьютер ва бошқа техника воситалари, локал ва корпоратив алоқа, электрон почта хизматларидан фойдаланиш имкониятлари, канцелярия жиҳозлари ва бошқа зарур ҳужжатлар.

Ички меҳнат тартиби қоидаларида кўзда тутилган меҳнат шароитлари билан боғлиқ бўлган қўшимча тўловлар, устамалар, рағбатлантириш тарздаги тўловлар, махсус унвон ва узоқ йиллар хизмат қилганлиги учун устама ҳақ тўлаб борилади.